“Qarabağ” UEFA Avropa Liqasının Liqa mərhələsində ilk qələbəsini qazanıb...
"Report" xəbər verir ki, Ağdam təmsilçisi IV tura təsadüf edən oyunda Norveçin "Budyo Qlimt" kollektivini 2:1 hesabı ilə üstələyib.
Bude şəhərindəki "Aspmira" stadionunda baş tutan görüşdə hesabı təmsilçimiz açıb. 23-cü dəqiqədə Toral Bayramov baxımlı zərbə ilə diqqət mərkəzinə düşüb. Bununla belə, meydan sahibləri fasiləyə qədər “status-kvo”nu bərpa edib. 41-ci dəqiqədə Patrik Berq bərabərlik qolunun müəllifi olub. “Köhlən atlar”ın qalibiyyət qoluna isə Abdullah Zubir imza atıb. 59-cu dəqiqədə rəqib torunu silkələyən futbolçu “Qarabağ”a cari mövsüm avroliqada ilk qələbəsini qazandırıb.
Qeyd edək ki, Qurban Qurbanovun rəhbərlik etdiiyi kollektiv Avropa Liqasında növbəti oyununu noyabrın 28-də Fransa təmsilçisi “Lion”a qarşı keçirəcək.
***
UEFA Avropa Liqasının Liqa mərhələsinin IV turunun "Budyo Qlimt" (Norveç) - "Qarabağ" oyununda üçüncü qol vurulub.
"Report" xəbər verir ki, Bude şəhərindəki "Aspmira" stadionunda Ağdam təmsilçisi yenidən hesabda önə çıxıb - 2:1.
59-cu dəqiqədə Abdullah Zubir fərqlənib.
***
UEFA Avropa Liqasının Liqa mərhələsinin IV turunun "Budyo Qlimt" (Norveç) - "Qarabağ" oyununda hesab bərabərləşib.
"Report" xəbər verir ki, Bude şəhərindəki "Aspmira" stadionunda meydan sahibləri "status-kvo"nu bərpa edib - 1:1.
41-ci dəqiqədə Patrik Berq bərabərlik qolunun müəllifi olub.
***
UEFA Avropa Liqasının Liqa mərhələsinin IV turunun "Budyo Qlimt" (Norveç) - "Qarabağ" oyununda hesab açılıb.
"Report" xəbər verir ki, Bude şəhərindəki "Aspmira" stadionunda Ağdam təmsilçisi hesabı açıb.
22-ci dəqiqədə Toral Bayramov baxımlı zərbə ilə adını tabloya yazdırıb.
***
UEFA Avropa Liqasının əsas mərhələsinin IV turu çərçivəsində bu gün Norveçdə üz-üzə gələcək "Budyo-Qlimt" və "Qarabağ" komandalarının start heyətləri bəlli olub.
Oxu.Az xəbər verir ki, komandalar meydana aşağıdakı "11-lik"lərlə çıxacaqlar:
"Budyo-Qlimt": Nikita Haikin, Villads Nilsen, Fredrik Şyövold, Odin Byörtuft, Fredrik Byörkan, Patrik Berq, Xokon Evyen, Ulrik Saltnes, Yens Petter Hauq, Auqust Mikkelsen, Filip Sinkernagel
Baş məşqçi: Hyetil Knutsen
"Qarabağ": Mateuş Koxalski, Bədavi Hüseynov, Kevin Medina, Abbas Hüseynov, Patrik Andrade, Marko Yankoviç, Yassin Benzia, Abdullah Zubir, Emanuel Addai, Aleksey Kaşuk, Olavio Juninyo.
Baş məşqçi: Qurban Qurbanov.
Qeyd edək ki, "Aspmüra" stadionunda keçiriləcək "Budyo-Qlimt" - "Qarabağ" qarşılaşması Bakı vaxtı ilə saat 21:45-də start götürəcək.
***
Bu gün UEFA Avropa Liqasının Liqa mərhələsinin IV turunun son oyun günündə 17 görüş keçiriləcək.
Oxu.Az xəbər verir ki, təmsilçimiz "Qarabağ" bu turda Norveçin "Budyo Qlimt" klubu ilə qarşılaşacaq.
"Qarabağ" - "Budyo Qlimt" görüşü ilə yanaşı daha doqquz matçında başlama saatı Bakı vaxtı ilə saat 21:45-dir.
Digər səkkiz oyun isə gecəyarısı start götürəcək.
Qeyd edək ki, UEFA Avropa Liqasında turun açılış oyununda "Beşiktaş" - "Malmö" ilə qarşılaşmışdı.
7 noyabr
UEFA Avropa Liqası
IV tur
Saat 21:45, "Qarabağ" - "Budyo Qlimt";
Saat 21:45, "Ayntraxt Frankfurt" - "Slavia Praqa";
Saat 21:45, "Elfsborq" - "Braqa";
Saat 21:45, FKSB - "Midtyulland";
Saat 21:45, "Qalatasaray" - "Tottenhem";
Saat 21:45, "Ludoqorets" - "Atletik Bilbao";
Saat 21:45, "Nitse" - "Tvente";
Saat 21:45, "Olimpiakos" - "Reyncers";
Saat 21:45, "Royal Union" - "Roma";
Saat 00:00, "Ayaks" - "Makkabi Təl-Əviv";
Saat 00:00, "AZ Alkmaar" - "Fənərbağça";
Saat 00:00, "Dinamo Kiyev" - "Ferentsvaroş";
Saat 00:00, "Hoffenhaym" - "Lion";
Saat 00:00, "Latsio" - "Porto";
Saat 00:00, "Mançester Yunayted" - PAOK;
Saat 00:00, "Viktoria Plzen" - "Real Soseydad";
Saat 00:00, RFŞ - "Anderlext".
Poliqon.info
