Bu gün Azərbaycan təmsilçisi "Qarabağ" Avropa Liqasının Liqa mərhələsində 4-cü tur matçına çıxıb.
Titul.az xəbər verir ki, Ağdam klubu səfərdə Norveç "Bodo Qlimt"i ilə qarşılaşıb. Görüş "Qarabağ"ın 2:1 hesablı qələbəsi ilə başa çatıb.
Bu vacib qələbə ilə "Qarabağ" Liqa mərhələsində ilk xallarını qazanıb. Qurban Qurbanovun komandası qazandığı 3 xalla turnir cədvəlində sonuncu - 36-cı yerdən 29-cu pilləyə yüksəlib. Bu gecə saat 00:00-da başlanacaq oyunların nəticələrinə qədər “Qarabağ” hazırda 29-cu yeri tutur. "Bodo Qlimt" isə 7 xalla 11-ci pillədə qərarlaşır.
"Qarabağ" 1-ci turda "Tottenhem"ə (0:3), 2-ci turda "Malmö"yə (1:2), 3-cü turda isə "Ayaks"a (0:3) məğlub olub.
"Bodo Qlimt" əvvəlcə "Portu"nu üstələyib (3:2), 2-ci turda "Yunion"la heç-heçə edib (0:0), daha sonra isə "Braqa"ya qalib gəlib (2:1).
"Qarabağ" və Bodo Qlimt" tarixlərində ilk dəfə üz-üzə gəliblər.
Avropa Liqası, Liqa mərhələsi, 4-cü tur
21:45. "Bodo Qlimt" (Norveç) - "Qarabağ" (Azərbaycan) - 1:2
Qollar: Toral Bayramov, 22 (0:1), Patrik Berq, 41 (1:1), Abdullah Zubir, 69 (1:2)
Hakimlər: Luis Qodinyo, Rui Teixeira, Pedro Almeida, Andre Narciso (Portuqaliya)
"Aspmira" stadionu
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!
