ABŞ prezidentlik yarışının qalibi Donald Tramp nəhayət ki, Rusiya lideri Vladimir Putinlə mümkün söhbətin perspektivlərini dəyərləndirib. Respublikaçıların prezidentliyə namizədi belə danışıqların mümkün olduğunu bildirib.
"Düşünürəm ki, danışacağıq" deyən Tramp “NBC” telekanalına müsahibəsi zamanı Putinlə hələ söhbətinin olmadığını vurğulayıb.
Prezidentlik yarışının qalibi elan ediləndən sonra Tramp deyib ki, o, İsrailin baş naziri Binyamin Netanyahu və Vladimir Zelenski də daxil olmaqla 70-ə yaxın dünya lideri ilə danışıb.
Rusiya prezidenti Vladimir Putin də Ağ Evin yeni sahibi ilə danışıqların mümkünlüyündən danışıb. “Valday” Beynəlxalq Klubunun Soçidə keçirilən plenar iclasında Rusiya lideri Donald Trampı yenidən ABŞ prezidenti seçilməsi münasibətilə təbrik edib.
Vladimir Putin axmaq və maraqsız bir insanın ABŞ-da hakimiyyətin başında ola bilməyəcəyinə inandığını bildirdi və Trampın sui-qəsd cəhdindəki davranışından təsirləndiyini, "cəsarətli bir insan olduğunu"vurğuladı.
Almaz Həsənli
