Rusiya hava hücumundan müdafiə qüvvələri bir gecədə Rusiyanın dörd bölgəsində 17 ədəd Ukrayna PUA-sını ələ keçirib və məhv edib.
Hurriyyet.az xəbər verir ki, bu barədə Rusiya Müdafiə Nazirliyi məlumat yayıb.
"Növbətçi hava hücumundan müdafiə sistemləri 17 ədəd Ukrayna PUA-sını məhv edib. Onlardan 6 ədədi Voronej vilayəti, 6 ədədi Saratov vilayəti, 4-ü Belqorod vilayəti, 1-i isə Bryansk vilayətinin ərazisi üzərində vurulub",- məlumat yayıb.
Buna qarşılıq olaraq Ukrayna da PUA-larla Rusiyaya yeni hücuma başlayıb. Trampın Amerika prezidenti olmasından sonra Ukrayna hakimiyyətində yaranan ümidsizlik müharibə meydanında özünü göstərmir. Amma hazırkı gedişat sülh danışıqlarına qədər Ukraynanın öz əlini gücləndirməsi cəhdidir./musavat.com/
