"Sanderlend"in futbolçusu Cob Bellingem karyerasını Almaniya Bundesliqasında davam etdirə bilər.
Sportal.az xəbər verir ki, "Borussiya" ingiltərəli hücumameyilli yarımmüdafiəçini transfer etmək istəyir. Bu barədə "The Sun" nəşri məlumat yayıb.
Dortmundlular yanvar ayında 19 yaşlı oyunçu üçün onun klubuna təklif göndərəcək. İngiltərə klubu gənc oyunçu üçün 24 milyon funt-sterlinq tələb edir.
Qeyd edək ki, "Sanderlend" Cob Bellingemi ötən ilin yayında "Birmingem"dən transfer edib. İngiltərə U-21 millisinin üzvü bu mövsüm Çempionşip təmsilçisinin heyətində meydana çıxdığı 13 rəsmi matçda 2 qol və 1 məhsuldar ötürmə ilə yadda qalıb. O, "Real"da çıxış edən Cud Bellingemin qardaşıdır.
saytlarin hazirlanmasi
