Miçiqan Universitetinin alimləri müəyyən ediblər ki, 35, 45, 55, 65 və 75 yaşlarında siqareti tərgitmək ömrü 8 ildən 7 aya qədər uzadır.
Qaynarinfo xəbər verir ki, tədqiqatın nəticələri "American Journal of Preventive Medicine" jurnalında dərc olunub.
Tütünün sağlamlığa təsiri yaxşı başa düşülür və Ümumdünya Səhiyyə Təşkilatı tütün epidemiyasını əhalinin sağlamlığı üçün ən ciddi təhlükələrdən biri kimi tanıyır. Siqaret tüstüsünün tərkibində demək olar ki, hər bir orqana zərər verən və çoxsaylı xərçəng növləri, insult, ürək və ağciyər xəstəlikləri ilə əlaqəli minlərlə zəhərli kimyəvi maddə var. Bundan əlavə, nikotin asılılığı müxtəlif səbəblərdən vaxtından əvvəl ölüm riskini artırır. Ən böyük ölüm riski uzun müddətli siqaretdən qaynaqlanır.
Siqareti tərgitməklə neçə il və ya aylarla həyat qurtara biləcəyini öyrənmək üçün alimlər 35-75 yaş arası siqaret çəkənlərin, eləcə də eyni yaş kateqoriyasından olan siqaret çəkməyən könüllülərin sağlamlıq və həyat tərzini təhlil ediblər. Məlum olub ki, 35, 45, 55 və 65 yaşlarında pis vərdişdən qurtulmaq əlavə olaraq müvafiq olaraq 8,0, 5,6, 3,4 və 1,7 il ömür "verə” bilər. 75 yaşında siqareti buraxanların daha 7 ay ömür sürməsini gözləyə bilərlər.
Tədqiqatçılar həmçinin, heç vaxt tütündən istifadə etməyən insanlarla müqayisədə 35, 45, 55, 65 və 75 yaşlı siqaret çəkənlərin müvafiq olaraq orta hesabla 9,1, 8,3, 7,3, 5,9 və 4,4 il ömür itirəcəyini müəyyən ediblər. Ömrün bu qısalması yetkin həyatları boyu siqaret çəkənləri təhdid edir.
Aydın
Mənbə: qaynarinfo.az
