Amerika Federal Təhqiqat Bürosu (FTB) Çin hökumətinin kibercasusluq vasitəsilə ABŞ telekommunikasiya şəbəkələrini pozmaq cəhdlərini üzə çıxarıb. Bu “geniş və əhəmiyyətli” kiberhücum kampaniyası məmurların və siyasətçilərin məlumatlarını oğurlamaq məqsədi daşıyırdı.
Bu barədə Associated Press xəbər verir.
Federal Kibertəhlükəsizlik və İnfrastruktur Agentliyinin məlumatına görə, Pekinə bağlı hakerlər müştəri zənglərinin qeydlərini və “məhdud sayda şəxslərin” şəxsi mesajlarına çıxış əldə etmək üçün “bir neçə” telekommunikasiya şirkətinin şəbəkələrini sındırıblar.
Amerikalı müstəntiqlər kibercinayətkarların hədəfində olan şəxslərin heç birinin adını dəqiqləşdirməyiblər. Bununla belə, FTB onların əksəriyyətinin “əsasən hökumət və ya siyasi fəaliyyətlə məşğul olduğunu” bildirib.
Oxuməni.az
