Noyabrın əvvəlində 22 yaşlı Marqaret Spada "TikTok"da reklamı gördükdən sonra adı açıqlanmayan estetik klinikaya həkimlə danışmaq üçün Siciliyadakı kiçik bir şəhərdən Romaya gedib.
7News.Az publika.az-a istinadən xəbər verir ki, bu barədə "Daily Mail" məlumat yayıb.
Klinikanın cərrah söz verib ki, 3 min avroya başa gələn əməliyyat çapıq buraxmayacaq və 20 dəqiqədən çox çəkməyəcək.
Marqaret sevgilisi ilə paytaxta gəlib. Qızın valideynləri də onun planlarını biliblər. Lakin lokal anesteziya tətbiq edildikdən sonra o, özünü pis hiss edib və əməliyyat başlamazdan əvvəl huşunu itirib. Bir neçə reanimasiya cəhdi uğursuzluqla nəticələnib və o, xəstəxanaya çatdırılıb və o, komaya düşüb. Üç gün sonra qızın ürəyi dayanıb.
Məlumata görə, həkimlər Marqaretin sevgilisini vəziyyəti pisləşdikdən sonra əməliyyat otağına gətiriblər. Gənc oğlan baş verənləri videoya çəkməyə başlayıb, hazırda ittiham tərəfi həmin videodan dəlil kimi istifadə edir.
Müstəntiqlər qurbanın seçdiyi klinikanın rinoplastika kimi mürəkkəb estetik əməliyyatları yerinə yetirmək üçün müvafiq lisenziyaya malik olub-olmadığını araşdırır.
