Bərpa olunan enerji sahəsində hədəflərə çatmaq üçün "yaşıl enerji" ilə bağlı öhdəliklər milli siyasət və proqramlara çevrilməlidir.
FED.az xəbər verir ki, bunu Beynəlxalq Bərpa Olunan Enerji Agentliyinin (IRENA) baş direktoru Françesko La Camera COP29 çərçivəsində təşkil olunmuş "Mərkəzi Asiya üçün COP29 Enerjiyə Keçid İnvestisiya Forumu"nda bildirib.
"Bərpa olunan enerji sahəsində hədəflərə çatmaq üçün "yaşıl enerji" ilə bağlı 29 öhdəliyin konkret icrasını milli siyasət və proqramlara çevirmək lazımdır. Saxlama daxil olmaqla, şəbəkə və çeviklik üçün milli hədəflərə ehtiyacımız var. Bu istiqamətdə maliyyələşdirmə, xüsusilə enerji bazarı və inkişaf etməkdə olan iqtisadiyyatlar üçün daha yaxşı şərtlərlə mümkün və əlçatan olmalıdır. 2030-cu ilə qədər bərpa olunan enerji, şəbəkələr, çeviklik, enerji səmərəliliyi və anbarları üçün 31,5 trilyon ABŞ dolları tələb olunur", - deyə o qeyd edib. (Report)
