Bu gün İtaliyanın “Yuventus” klubu qarşılıqlı razılıq əsasında yarımmüdafiəçi Pol Poqba ilə müqaviləyə xitam verdiyini elan edəcək.
BAKU.WS xəbər verir ki, bu barədə X sosial şəbəkəsində jurnalist Kave Solhekol məlumat verib.
Əvvəllər Poqbanın daha “Qoca Sinyora”da oynamayacağı barədə məlumatlar var idi.
Həmçinin qeyd olunub ki, İngiltərə, Avropa və Səudiyyə Ərəbistanı komandaları futbolçu ilə maraqlanır, lakin Turin komandası ilə müqavilənin ləğvindən sonra futbolçunun işə götürülməsi ilə bağlı danışıqlara başlanılacaq.
Xatırladaq ki, Lozanna İdman Arbitraj Məhkəməsinin (CAS) qərarına əsasən, 31 yaşlı fransalı 2025-ci ilin yanvarında məşqlərə qayıtmaq hüququna malikdir və mart ayından oynaya bilər. Poqba sonuncu dəfə 2023-cü il sentyabrın 3-də meydana çıxmışdı.
