Bakıda yol hərəkəti qaydasını pozan sürücülər kameraya düşüb. Avtosfer.az xəbər verir ki, hadisə oktyabrın 9-da, paytaxtın İnşaatçılar prospektində baş verib. Belə ki, 99-JP-075 qeydiyyat nişanlı "Hyundai" markalı və 90-AL-701 qeydiyyat nişanlı "Nissan" markalı avtomobillərin sürücüləri keçidi keçən piyadaya əhəmiyyət verməyərək hərəkətlərinə davam ediblər. Piyada təhlükəni görən anda dayanaraq baş verə biləcək qəzadan özünü qoruyub.
"Yol hərəkəti haqqında" qanunun 54-cü maddəsində qeyd olunub ki, əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər.
Fərid
