Moskva ABŞ-ın yeni seçilmiş prezidenti Donald Trampdan Rusiya Federasiyası ilə Ukrayna arasında münaqişənin həlli məsələsi ilə bağlı təkliflər gözləyəcək.
Bunu Rusiyanın xarici işlər naziri Sergey Lavrov Əbu-Dabidə danışıqlardan sonra keçirilən mətbuat konfransında deyib. “Bizə bu barədə sual verəndə mütəmadi olaraq vurğulayırıq ki, hər halda müharibə tərəfdarı deyil, sülh tərəfdarı olduğunu deyən siyasətçi diqqətə layiqdir.
Bundan əvvəl Donald Tramp Yaxın Şərq və Ukraynadakı münaqişələrin həlli üçün “çox səylə çalışacağına” söz verib. ABŞ-ın seçilmiş prezidentinin fikrincə, bu münaqişələr “bitməlidir”. “Üç gün ərzində minlərlə insanın öldürüldüyünə dair xəbərləri gördüm. Onlar əsgərdir. Ancaq istər əsgərlər olsun, istərsə də şəhərlərdəki insanlar, biz bunun üzərində işləyəcəyik”, – o, əmin edib.
Xatırladaq ki, Donald Tramp seçki kampaniyası zamanı dəfələrlə bəyan edib ki, seçkidə qalib gəlsə, 2025-ci il yanvarın 20-də andiçmə mərasimindən əvvəl də Rusiya ilə Ukrayna arasındakı münaqişəni həll edə biləcək.
//Samir Qurbanov, Editor.az
