Ötən gün (15 noyabr) Rusiyanın ABŞ-a zənginləşdirilmiş uranın ixracına müvəqqəti məhdudiyyətlər tətbiq etməsindən sonra uranın qiyməti artıb.
Axar.az xəbər verir ki, bu barədə “Röyters” məlumat yayıb.
Rusiyanın məhdudiyyətlər barədə elanından sonra 2025-ci ilin noyabrında çatdırılma üçün uranın qiymətləri bir funta görə 4 dollar artaraq, 84 dollara yüksəlib. Uran mədən şirkətlərinin səhmləri də bahalaşıb.
ABŞ Nüvə Enerjisi Departamentinin məlumatına görə, dünyanın uranın zənginləşdirilməsi potensialının təxminən 44%-i Rusiyanın payına düşür. ABŞ-ın nüvə yanacağı idxalının 35%-i isə Rusiyadan gəlirdi.
