Qarabağda minaları üzüm tənəklərinə çevirmək əzmi var. Ümid edirəm ki, Bakıda keçirilən COP29 iqlim konfransı kənd təsərrüfatı sayəsində sülhün mümkün olduğuna nümunə olacaq.
Bu barədə “Report”a “Roots of Peace” QHT-nin qurucusu Heidi Kühn bildirib.
"Mən Azərbaycana üç dəfə səfər etmişəm. Qarabağdakı mina sahələrini görmüşəm. Bu öldürücü "terror toxumlarını" təmizləmək və Qarabağın gözəl kənd təsərrüfatı torpaqlarını bərpa etmək mənəvi məsuliyyətimizdir", - o qeyd edib.
H.Kühn vurğulayıb ki, Qarabağ keçmişdə üzüm bağları ilə məşhur olub.
O əlavə edib ki, bu regionun təbii zənginliyi və məhsuldarlığı bərpa olunaraq həyata qaytarılmalıdır: "Kənd təsərrüfatı sülhə körpü ola bilər".
