jpg-1624466446.jpg)
Müdafiə Nazirliyində 2016-2021-ci illərdə 143 milyon manatlıq yeyinti ilə bağlı cinayət işi üzrə həbsdə olan şəxslər arasında yeganə general – nazirliyin Maliyyə və Büdcə İdarəsinin keçmiş rəisi Nizami Məmmədovun işi üzrə məhkəmə istintaqı noyabrın 15-də yekunlaşıb.
Təqsirləndirilən şəxslərin, onların ailə üzvlərinin adına olan əmlakların üzərinə həbs qoyulub ki, gələcəkdə müsadirə edilərək, ziyanın ödənilməsinə yönəltmək mümkün olsun.
Generalın vəkili deyir ki, Maliyyə və Büdcə İdarəsinin mühasibi Akif Umudov da Nizami Məmmədovun adından 210 min manat ödəniş edib. Lakin bu, ödənişlərdə əksini tapmayıb.
Prosessual qaydalara görə, ardınca prokuror çıxış etməlidir. Amma dövlət ittihamçısı Fuad Musayev çıxışa hazır olmadığını bildirib və vaxt istəyib. Ona noyabrın 22-nə qədər vaxt verilib.
Bu cinayət işi üzrə əsas ittihamlardan biri budur ki, qiymətlər sənəd üzərində artıq göstərilib və tenderdə qalib elan edilən şirkətlərin hesabına büdcədən buna uyğun məbləğdə pul köçürülüb. Lakin əvvəldən razılaşma olub ki, köçürülmüş artıq pulu şirkət hesabından çıxarıb, Müdafiə Nazirliyinə geri qaytaracaq. İttihama əsasən, şirkətlərin ümumi vəsaitin təxminən 18-20 faizini geri qaytarıb və qayıdan pul da mənimsənilib.
