Livanın müvəqqəti baş naziri Nəcib Mikati “Hizbullah” Hərəkatı və İsrail arasında atəşkəs üçün İrandan kömək istəyib.
Teleqraf.com xəbər verir ki, Tehran hərəkatın əsas himayədarıdır və onun hərəkat üzərində ciddi təsirə malik olduğuna inanılır.
Livan rəsmisi bu səbəbdən savaşdan çəkinməsi üçün İrandan "Hizbullah"a təsir göstərməsini xahiş edib.
Mikati İranın dini liderinin baş müşaviri ilə görüşündə bildirib ki, Beyrut hərbi əməliyyatların mümkün qədər tez bitməsini istəyir.
Livan baş naziri təsdiqləyib ki, Beyrut ABŞ səfirindən 2006-cı ildə İsrail və “Hizbullah” arasında müharibəyə son qoyan BMT Təhlükəsizlik Şurasının 1701 saylı qətnaməsinə əsaslanan təklif layihəsi alıb.
Müəllif: Qənirə Süleymanova
