İspaniya nəhəngi Madrid “Real”ı son illər müşahidə etdiyi mənzərədə yeni transfer siyasəti həyata keçirmək niyyətindədir.
Arena.az “Relevo” dərgisinə istinadən məlumat verir ki, paytaxt klubu son illər “qaymaqlılar”ın futbolçularının İspaniya yığmasına təmsilçilik səviyyəsinin aşağı düşməsindən narahatdır.
Mənbənin məlumatına görə, məhz bu məqam “kral klubu”nu yeni transfer siyasəti yürütməyə sövq edir. “Real”ın düşərgəsində ispan futbolçularla daha fəal surətdə müqavilə imzalanmasının tərəfdarıdırlar. Hazırda klub həm mövcud İspaniya yığması oyunçularının, həm də gələcəkdə milli komandaya çağırıla biləcək gənc oyunçuların satın alınması ilə bağlı seçimləri nəzərdən keçirir.
İspaniya nəhəngi istedadlı əcnəbi oyunçuların alınması strategiyasının səmərəliliyini dərk edir. Bununla belə, klub rəhbərliyi “qaymaqlılar”ın düşərgəsindən İspaniya yığmasına mütəmadi əsasda ancaq, hazırıda zədəli olan sağ cinah müdafiəçisi Daniel Karvaxalın cəlb edilməsindən qayğılıdır. İndi Madrid klubu daha çox futbolçusunun İspaniya yığmasına cəlb edilməsini hədəfləyib. Bunun üçün hətta xüsusi transfer planı işlənib.
İspaniya La Liqasında 12 oyundan sonra 27 xal toplamış “Real”, yarış cədvəlinin 2-ci pilləsində qərarlaşıb.
