Azərbaycanın və “Qəbələ” İdman Klubunun MMA döyüşçüsü Vüqar Kərəmov növbəti sınağına çıxıb
İdman.biz xəbər verir ki, o, “Rizin” turnirində Kazumasa Majima (Yaponiya) ilə qüvvəsini sınayıb.
Döyüş Yaponiyanın Naqoya şəhərində təşkil olunub. 70 kq çəkidə mübarizə aparacaq Vüqara qələbə qazanmaq üçün 28 saniyə kifayət edib. Bu qələbə təmsilçimizə kəmər uğrunda döyüşə vəsiqə qazanmaq şansı verib.
Qeyd edək ki, Kərəmov “Rizin” çərçivəsindəki 8 döyüşdə 6-cı qələbəsini qazanıb.
İdman.biz
