Bu gün səhər saatlarından başlayaraq Rusiya Ukraynaya 120 raket və 90 dron buraxıb.
Tezadlar.az "Ukrainskaya pravda"ya istinadla xəbər verir ki, bunu Ukrayna Prezidenti Volodimir Zelenski "X" səhifəsində bildirib. Sitat: "Ukraynanın bütün bölgələrinə kombinasiya edilmiş kütləvi zərbə endirilib. Bu gecə və səhər saatlarında Rusiya terrorçuları müxtəlif tipli, xüsusən də “Şahid” tipli dronlardan istifadə ediblər. Qanadlı, ballistik və aeroballistik raketlər: sirkonlar, “İskəndər”lər, “Kinjal”lar. Ümumilikdə, təxminən 120 raket və 90 dron”.
Zelenski hava hücumundan müdafiə qüvvələrinin “140-dan çox hava hədəfini məhv etdiyini” vurğulayıb. O, hədəfin Ukraynanın enerji infrastrukturu olduğuna diqqət çəkib: “Təəssüf ki, zərbələrdən və qalıqların düşməsindən obyektlərə ziyan dəyib”.
Zelenski Mıkolaevdə dron hücumu nəticəsində iki nəfərin öldüyünü, daha altı nəfərin, o cümlədən iki uşağın yaralandığını açıqlayıb. "Hazırda işıqsız qalan ərazilərimiz var”, – deyə o diqqətə çatdırıb. Zelenski hava hücumunun dəf edilməsi zamanı Qərbin ötürdüyü F-16 qırıcılarının da iş başında olduğunu bildirib.
Ukrayna mediası isə Ukrayna ordusunun Rusiya ordusunun bu raket hücumuna ciddi cavab verməyə hazırlaşır.
A.Məmmədli
