1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Həştərxan şəhərində seriyalı qatil, erməniəsilli Vahan Safaryan saxlanılıb.
Oxu.Az xəbər verir ki, bu barədə "SHOT" "Telegram" kanalı məlumat yayıb.
Qeyd olunur ki, həmin şəxs cinayətlərə 90-cı illərin sonu - 2000-ci illərin əvvəllərində başlayıb. Onun ən azı üç sübut edilmiş qurbanı var.
Safaryan ilk dəfə 2004-cü ildə saxlanılıb. O, adam öldürdükdən sonra 19 il müddətinə həbs cəzasına məhkum edilib.
2023-cü ildə o, cəza müddətinin bitməsindən bir qədər əvvəl azadlığa buraxılıb və icbari işlərə göndərilib.
Lakin müstəntiqlər onun 26 il əvvəl ikiqat qətldə iştirakını sübut etdiyi üçün o, uzun müddət azadlıqda qalmayıb. 1998-ci ildə Safaryan Həştərxanda mənzilə daxil olaraq, ana və qızı boğub, sonra isə 45 min rubl pulu götürüb.
İndi Safaryan yenidən saxlanılıb və həbs edilib. O, "İki və ya daha çox şəxsi öldürmə" maddəsi ilə ittiham olunur.
