Dəriyə qulluqda təbii yollardan istifadə etmək daha yararlıdır. Naringi zəngin qida tərkibi və dəriyə faydalı xüsusiyyətləri ilə bu təbii vasitələrdən biridir.
"Unikal" antioksidant və vitamin mənbəyi olan naringinin dəriyə təsirlərini təqdim edir:
Kiçik ölçüsünə baxmayaraq, naringi vitamin və minerallarla zəngindir. Tərkibində C, A vitamini, kalium və B vitaminləri var.
Antioksidantlarla zəngindir
Naringinin tərkibində sərbəst radikallarla mübarizə aparan güclü antioksidantlar var.
Dəriyə mümkün zərərləri azaldan bu maddələr qocalmanı gecikdirməkdə təsirli olur. Xüsusilə C vitamini və beta-kriptoksantin dərinin elastikliyini artırır və daha gənc görünüş təmin edir.
Kollagen istehsalını dəstəkləyir
Naringi tərkibində olan C vitamini sayəsində dəridə kollagen istehsalını artırır, dərini daha möhkəm və elastik edir. Bu, yaşlanma əlamətlərini azaldır və dərinin daha sağlam görünməsinə kömək edir.
Dəri tonunu parladır
Naringi tünd ləkələr və hiperpiqmentasiya kimi dəri problemləri ilə mübarizədə effektivdir. Tərkibindəki C vitamini melanin istehsalını azaldır, dəri tonunu bərabərləşdirir və təbii parıltı verir.
Akne və ləkələri azaldır
Naringinin təbii aşındırıcı xüsusiyyətləri və antibakterial komponentləri dəridəki artıq yağı azaldır, məsamələri təmizləyir və sızanaqların əmələ gəlməsinin qarşısını alır. O, həmçinin iltihabı azaltmaqla mövcud sızanaqları sağaltmağa kömək edir.
Naringi istehlakı yalnız meyvə kimi deyil, həm də dəriyə qulluq prosedurlarında istifadə edilə bilər. Naringi suyundan və ya qabığından alınan ekstraktlar təbii maska və kremlərdə istifadə oluna bilər. Bundan əlavə, naringi qabığı toz halına salınıb pilinq kimi də istifadə edilə bilər.
Zərifə Nağıyeva
