Çinin smartfon istehsalçıları Avropada daha güclü mövqe əldə etmək və yüksək marja ilə premium cihazları satmaq üçün səylərini gücləndirirlər. Həmin istehsalçılardan biri də Realme-dir.
Marja.az xəbər verir ki, Şirkətin Avropadakı satışları 2020-ci ildən 2023-cü ilə qədər 275 faiz artıb. Realme-nin məqsədi 3-5 il ərzində hazırkı 4 faizlik bazar payını 10 faizə çatdırmaqdır.
Realme 2021-ci ildə 100 milyon qlobal telefon tədarükünə çatıb və buna nail olan ən sürətli şirkət olub. Ötən il bu rəqəm, 200 milyon tədarükə çatıb.
Şirkətin məhsul marketinq meneceri Francis Vonq, "Avropa bazarında uğur qazansaq, brendimiz böyük təkan yaşayacaq və bu, qlobal satışlarımıza müsbət təsir göstərəcək" deyib. Vonq bildirib ki, Avropa bazarında Apple və Samsung-a sadiq istehlakçıları özünə cəlb etmək Hindistandan daha baha başa gəlir.
Samsung və Apple hələ də Avropada üstünlük təşkil edir
Bununla belə, Çin istehsalçıları Avropa bazarında artımın daha yavaş olduğunu etiraf edirlər. Apple və Samsung hələ də Avropada, xüsusən də premium seqmentdə üstünlük təşkil edirlər. 2024-cü ilin ikinci rübündə 700 dollardan yuxarı telefon satışlarının 94 faizi bu iki markaya məxsusdur. Huawei əvvəllər Avropada bazar payını sürətlə artırsa da, 2020-ci ildə ABŞ-ın sanksiyaları və 5G şəbəkələrində istifadə edilən Huawei avadanlıqlarına qoyulan qadağa ilə bazardan çıxarılıb.
Çin istehsalçıları yeni texnologiyalar ilə Avropa bazarında yer qazanmağa davam edirlər.
Qatlana bilən telefonlar, qabaqcıl kameralar və super sürətli şarj cihazları kimi yeniliklər bazara yeni nəfəs gətirir. Honor, Qərbi Avropada qatlanan telefon satışında Samsung-u geridə qoyub. Şirkət Magic V3 modelini 2000 avroya yaxın qiymətə satışa təqdim etməklə seçilir.
Digər Çin istehsalçısı Oppo da Find X8 seriyasını Avropaya təqdim edərək premium seqmentdə geri qayıtdığını elan edib. Oppo Avropa bazarında uzunmüddətli investisiyalar yatırmağı hədəfləyir.
Xiaomi 2024-cü ilin üçüncü rübündə premium bazardakı payını 4,3 faizədək artıraraq əhəmiyyətli artım qeydə alıb. Bundan əlavə, Transsion kimi Çin istehsalçıları Şərqi Avropada orta səviyyəli satışları artırıblar.
Bununla belə, analitiklər bildirirlər ki, Çin istehsalçıları Avropa bazarındakı paylarını 4 faizdən yuxarı artırmaqda çətinlik çəkirlər və böyük idman tədbirləri kimi bahalı marketinq kampaniyalarına böyük sərmayələr qoyurlar.
Realme-nin bazar payı artımı Rusiyadakı satışlar sayəsində sürətlənib. Çünki Rusiyanın Ukraynanı işğalından sonra Samsung və Apple bu bazardan geri çəkilib və bu, digər istehsalçılar üçün mühüm fürsət oub.
IDC-nin analitiki Vill Vonq, "Bu brendlər Qərbi Avropada brend şüurunun yaradılması üçün çoxlu pul xərcləyirlər. Lakin onlar çox müsbət gəlirlər görmürlər" deyib.
Smartfon istehsalçıları iddia edirlər ki, Avropa kimi inkişaf etmiş bazarlardakı uğur Yaponiya, Avstraliya və ABŞ kimi digər yüksək səviyyəli bazarlara da fayda verə bilər və müvəffəqiyyət operatorları Çin telefonlarını bu bölgələrə satmağa inandıra bilər.
"Biz bu barədə uzunmüddətli düşünməliyik. Burada uğur qazandıqdan sonra hər yerdə uğur qazana bilərik",- Honor-dan Toni Ran deyib.
Avropada rüblük smartfon satış payları (%), Mənbə: Financial Times, Counterpoint Research
