Yaponiyanın müdafiə naziri Gen Nakatani dekabrın sonunda Yaponiya hərbi idarəsi rəhbərlərinin son doqquz ildə səfər etmədiyi Seula səfər etməyi planlaşdırır. Bu barədə Kyodo agentliyi mənbələrə istinadən məlumat yayıb.
Müdafiə nazirinin Cənubi Koreyaya səfəri Seul və Tokio arasında münasibətlərin əhəmiyyətli dərəcədə yaxşılaşmasının növbəti əlaməti olacaq. Əvvəlki illərdə onlar, ilk növbədə, keçən əsrin birinci yarısında Koreya yarımadasında Yaponiya müstəmləkəçiliyi dövründən qalan problemlərlə bağlı çoxsaylı münaqişələrlə üzləşmişdilər. 2018-ci ildə yaşanan gərginlik fonunda, bir insidentdə Cənubi Koreyanın hərbi gəmisi hətta raketlərə nəzarət radarını Yapon esminesinə yönəltdi. Bundan sonra iki ölkənin müdafiə nazirlikləri arasında bütün əlaqələr kəsilib.
Lakin Cənubi Koreyanın hazırkı prezidenti Yun Seok-Yolun dövründə Yaponiya ilə münasibətlər yaxşılaşmağa başladı və Vaşinqton, Seul və Tokio arasında hərbi təmaslar, o cümlədən birgə təlimlər aktivləşdi. Ötən həftə üç ölkənin liderləri hətta hərbi sahədə üçtərəfli əlaqələri davam etdirmək üçün daimi katibliyin yaradılması barədə razılığa gəliblər.
Oxuməni.az
