Avropa İttifaqı (Aİ) Şurası Ukrayna müharibəsi fonunda Rusiyaya hərbi dəstəyinə, həmçinin Yaxın Şərqdə və Qırmızı dənizdəki silahlı qruplaşmalara dəstəyinə görə İrana tətbiq etdiyi sanksiyaların miqyasını genişləndirib.
APA xəbər verir ki, bu barədə şuranın saytında məlumat yerləşdirilib.
Bildirilib ki, bugünkü qərarla raketlərin və PUA-ların hazırlanmasında və istehsalında istifadə olunan komponentlərin Aİ-dən İrana ixracı, ötürülməsi, tədarükü və ya satışına qadağa qoyulub.
Müvafiq qərarla İran hərbi texnikasının ötürülməsində istifadə edilən, həmçinin sanksiyalar siyahısında olan şəxslər tərəfindən idarə olunan və ya məxsus olan limanlara tranzaksiyalar qadağan edilib. Sanksiya tətbiq edilən limanlara Əmirabad və Ənzəli limanları da daxil olunub.
