1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Yamayka millisinin iki futbolçusu xarici pasportunu itirdiyi üçün ABŞ ilə keçiriləcək səfər matçında komandasına kömək edə bilməyəcək.
Oxu.Az xəbər verir ki, bunu Yamayka millisinin baş məşqçisi Stiv Maklaren açıqlayıb.
O bildirib ki, seçmə komandanın iki futbolçusu Maykl Antonio və Kahim Dikson KONKAKAF (Şimali və Mərkəzi Amerika və Karib Hövzəsi Futbol Konfederasiyası) Millətlər Liqasının ABŞ ilə oyununun heyətindən çıxarılıb: "Oyunçularımız pasportlarını itiriblər. Yeni pasport və səfər üçün viza almaq artıq gec idi. Bu üzdən onların xidmətindən yararlana bilməyəcəyik".
Qeyd edək ki, ABŞ - Yamayka matçı noyabrın 19-da saat 5:00-da keçiriləcək.
