Azərbaycan ABŞ-dən mobil telefon idxalını 2023-cü illə müqayisədə kəskin artırıb.
Kommersant.az xəbər verir ki, cari ilin ilk üç rübündə Azərbaycana bu ölkədən 3 150 ədəd və ya 3 milyon 557.4 min ABŞ dolları dəyərində smartfon idxal edilib. Keçən ilin eyni dövründə 407 ədəd və ya 415 min dollarlıq cəmi smartfon gətirilmişdi.
Azərbaycanın ABŞ-dən birbaşa idxal etdiyi mobil telefonlar əsasən “Apple inc.” Şirkətinin istehsalı olan smartfon modelləridir. Bəzi hallarda isə ABŞ-nin istehsal etdiyi bu markaları yerli bazarda Çində istehsal edilib və bazara tədarük edilir.
Smartfonun birinin orta dəyəri cari ilin ilk üç rübü üçün 1 129 dollar və ya Mərkəzi Bankın xarı məzənnəsi ilə 1919 manat təşkil edib.
Keçən ilin eyni dövründə bir smartfonun orta qiyməti 1019 dollar (1 732.9 manat) olduğunu nəzərə alsaq, cari ildə qiymətlərin öncəki ildən 11 faiz baha olduğunu müşahidə edə bilərik.
