Fins.az - 2024-cü ilin yanvar-oktyabr aylarında Azərbaycanda ictimai iaşə dövriyyəsi əvvəlki ilin müvafiq dövrü ilə müqayisədə real ifadədə 11.1 faiz artaraq 1 milyard 877 milyon manat təşkil edib. Bu barədə Dövlət Statistika Komitəsi məlumat yayıb.
Dövlət Statistika Komitəsinin məlumatına görə, ictimai iaşə dövriyyəsinin əsas hissəsi özəl sektorun payına düşüb. Belə ki, dövriyyənin 51.2 faizi hüquqi şəxslərə, 48.8 faizi isə fiziki şəxslərə məxsus olub.
Hüquqi şəxslərin dövriyyəsi 2023-cü ilin eyni dövrü ilə müqayisədə 12.9 faiz artaraq 953 milyon manata çatıb.
İctimai iaşə sektorundakı bu artım ölkədə xidmət sahələrinin inkişafı və əhalinin istehlak xərclərinin artması ilə əlaqələndirilir.
