COP29 çox maraqlı keçir və ümid edirəm ki, hamının gözlədiyi nəticələrə nail olacağıq, xüsusən də inkişaf etməkdə olan ölkələr və dünyanın cənubundakı qlobal ölkələr üçün.
Bunu APA-ya Hindistanın ətraf mühit, meşələr və iqlim dəyişiklikləri üzrə Dövlət Naziri Şri Kirti Vardhan Sinqh deyib.
“İqlim dəyişikliyinə qarşı tədbirlər və təsirin azaldılması ilə bağlı uyğunlaşma planlarımızı həyata keçirə bilməyimiz üçün həqiqətən də bu sahədə çox müsbət nəticələr gözləyirik.
İnkişaf etməkdə olan dünyanın bir hissəsi olaraq gözləntimiz eynidir ki, biz daha əvvəl verilən vəd və öhdəliklərin, xüsusən də Paris razılaşmasındakı öhdəliklərin yerinə yetirilməsini gözləyirik. Yumşaldılma hədəfləri və uyğunlaşma məqsədləri ilə bağlı artan ambisiyaları irəli apara biləcəyimizə ümid edirik”, - o qeyd edib.
