"Müdafiə, təhlükəsizlik, hüquq-mühafizə orqanları əməkdaşlarına, hakimlərə, dövlət qullquçularına layiqli həyatını təmin edəcək qədər əməkhaqqı vermədən, korrupsiyaya qarşı effektli mübarizəni təşkil etmək etmək, qanunların aliliyini təmin etmək həlli çətin vəzifədir".
Sabahinfo.az xəbər verir ki, bunu Milli Məclisdə 2025-ci ilin büdcə müzakirəsi zamanı deputat Qüdrət Həsənquliyev deyib. Onun sözlərinə görə, bu kateqoriyadan olan şəxslərin əməkhaqqlarının artırılmasına diqqət yönəldilməlidir ki, onlar əlavə qazanc barədə düşünməsinlər.
Deputat qeyd edib ki, indiki statusla bələdiyyələrə pul ayrılması itkidir: "Bələdiyyələrin statusu olsa, onların gəliri də olacaq, çox işlər görəcəklər".
