Dünyaca məşhur aktyor cütlük Ancelina Coli və Bred Pittin qızı, 18 yaşlı Şaylo Los-Ancelesdə rəfiqəsinin yanında görüntülənib.
OLAY yazır ki, paparatsiyalar qızları nahar zamanı, Şaylonun dostu avtomobilin damında yerləşdiyi zaman çəkib.
Hər ikisi Şaylonun tərzinə xas olan idman üslublu, “oversize” paltar geyinib.
Cütlüyün ilk bioloji qızı olan Şaylo, ictimaiyyət arasında olduqca nadir hallarda görünür və çox vaxt paparatsiyaların çəkməyə nail olduqları fotolarda görünür.
Rəqslə məşğul olduğu məlumatı istisna olmaqla, qızın hobbiləri haqqında çox az şey məlumdur.
Şaylo atası Bred Pittin soyadından imtina edib. Səbəb, 2014-cü ildə təyyarədə yaşanan davadır. Colinin sözlərinə görə, Pitt sərxoş halda Ancelina və uşaqlardan birinə əl qaldırıb. Bu hadisə sonradan onların boşanmasına səbəb olub.
Daha əvvəl onun övladlığa götürdüyü qızı Zahara və digər bioloji qızı Vivyen də Pitt soyadından imtina edib. Bu, Bred üçün böyük zərbə olub, çünki o, uşaqları ilə münasibətlərini yaxşılaşdırmağa ümid edib. Ümumilikdə keçmiş həyat yoldaşlarının altı övladı var: üç övladlığa götürülmüş - 22 yaşlı Maddoks, 20 yaşlı Paks və 19 yaşlı Zahara, həmçinin üç bioloji - 18 yaşlı Şaylo və 15 yaşlı əkizlər Knoks və Vivyen.
Xatırladaq ki, Bred Pitt və Ancelina Coli on illik münasibətdən sonra 2014-cü ildə evləniblər və 2016-cı ildə Coli boşanmaq üçün məhkəməyə müraciət edib. Ayrılandan sonra bir neçə ildir ki, cütlük məhkəmə yolu ilə məsələni həll edirlər.
