ABŞ-ın hazırkı prezidenti Co Baydenin administrasiyası Rusiya ərazisinə zərbələr endirmək üçün Britaniyanın uzaqmənzilli “Storm Shadow” raketlərindən istifadə etməyə icazə verib. Bu barədə Britaniyanın “The Times” qəzeti Britaniya hökumətindəki mənbələrə istinadən məlumat yayıb.
“The Times” qəzeti yazır ki, Britaniyanın baş naziri Keir Starmer və hökuməti “əməliyyat səbəbləri” ilə bağlı “Storm Shadow” raketlərinin istifadəsi ilə bağlı rəsmi şərh verməkdən çəkinir. Bu qərar döyüş meydanında Rusiyaya strateji üstünlük təmin etməmək istəyi ilə izah olunur. Qeyd etmək lazımdır ki, bu raketlərdən səmərəli istifadə Amerikanın rəhbərlik sistemindən asılıdır.
Bundan əlavə, “The Times” yazır ki, Starmerin müttəfiqləri iddia edirlər ki, “Storm Shadow” raketlərinin Rusiya ərazisinin dərinliklərinə enməsinə icazə verilməsi Ukraynadakı münaqişənin gedişatına təsir etməyəcək. Böyük Britaniyanın keçmiş müdafiə naziri Ben Uolles bildirib ki, raketlərdən istifadə “güclü mesaj” verəcək, baxmayaraq ki, Almaniyanın “Taurus” qanadlı raketlərini Ukraynaya ötürməsi daha mənalı ola bilər.

Bundan əvvəl Bayden Ukrayna Silahlı Qüvvələrinə Rusiya ərazilərinə zərbələr endirmək üçün Amerikanın uzaqmənzilli ATACMS raketlərindən istifadə etmək icazəsi vermişdi. G20 sammitində Rusiyanın xarici işlər naziri Sergey Lavrov bu qətnaməni Qərbin Ukraynadakı münaqişəni gərginləşdirmək istəyi kimi qiymətləndirib.

aia.az
Tərcümə şöbəsi

• Zərbələr
• Icazə
• Rusiyaya
• Storm Shadow