ABŞ-nin Suriyaya ayrırdığı humanitar yardım mənimsənilib.
KONKRET.az “Fox News”a istinadən xəbər verir ki, 9 milyon dollardan çox humanitar yardım terror təşkilatlarına, o cümlədən Əl-Qaidəyə ötürülüb. ABŞ prokurorluğu artıq araşdırmalara başlayıb. Məlum olub ki, bunu törədən 53 yaşlı Mahmud Əl Hafyan adlı Suriya vətəndaşıdır. Ona 12 maddədən ibarət ittiham irəli sürülüb. Amerikalı prokuror Metyu Qreyvs bildirib ki, müttəhim ABŞ hökumətini aldatmaqla yanaşı, oğurladığı humanitar yardımı xarici terror təşkilatlarına verib.
Məlumata görə, Əl Hafyan özünü qeyri-hökumət təşkilatının (QHT) rəhbəri kimi təqdim etdikdən sonra ABŞ-nin humanitar fonduna çıxış əldə edib.
ABŞ Prokurorluğundan bildirilib ki, Alf Hafyanın rəhbərlik etdiyi qeyri-hökumət təşkilatı 2015-ci ilin yanvarından 2018-ci ilin noyabrına qədər 122 milyon dollar qrant alıb. Agentlik qeyd edib ki, bu vəsait müharibədən əziyyət çəkən ölkəni ərzaq və tibbi ləvazimatlarla təmin etmək üçün nəzərdə tutulub.
Vəli Həsənoğlu,
KONKRET.az
