Əfqanıstanın digər ölkələrlə münasibətləri İslam və şəriət prinsiplərinə zidd olmamalıdır.
NOCOMMENT.az xəbər verir ki, bu fikri Əfqanıstan Əmirliyinin Daxili İşlər Nazirliyinin rəhbəri Xost Siradjuddin Haqqani deyib.
“Əfqanıstan İslam Əmirliyi dünya ölkələri ilə İslam və şəriət qanunlarının prinsiplərinə zidd olmayan münasibətlər qurmağa çalışır”, – deyə o vurğulayıb.
Hakkani qeyd edib ki, Kabil müstəmləkəçiliyə qarşıdır və “heç kəsin ölkənin dini qanunlarını pozmasına icazə verməyəcək”. Onun sözlərinə görə, Əfqanıstan digər ölkələrlə tərəfdaşlıq axtarır, “çünki bizim maraqlarımız və ehtiyaclarımız ticarət və digər aspektlərdən asılıdır”.
