Yaşıl Zonada COP29-un dayanıqlı inkişaf tərəfdaşı "Azersun Holdinq" tərəfindən “İstehlakçılıqdan dövriyyəliliyə doğru irəliləyiş: resursların optimal istifadəsi və iqlim fəaliyyəti vasitəsilə israfçılığın aradan qaldırılması” mövzusunda tədbir keçirilib.
Dairəvi iqtisadiyyatı inkişaf etdirmək üçün birgə səylərin əhəmiyyəti bu tədbirin əsasını təşkil edir. Bizneslər və istehlakçılar məhsulun uzunömürlülüyünü yaxşılaşdırmaq, məhsulun həyat dövrlərini yenidən nəzərdən keçirmək və resurs idarəçiliyini optimallaşdırmaq kimi dairəvi təcrübələri həyata keçirməklə sıfır tullantı hədəflərinə töhfə vermək baxımından böyük potensiala malikdirlər. Bu təşəbbüslər, həddindən artıq istehlakın qarşısını almaq üçün birgə səylə yanaşı, resurs səmərəliliyinə keçidi sürətləndirə və məqsədyönlü qlobal iqlim fəaliyyətinə səbəb ola bilər.
Plenar müzakirələrdə “Sustainera”da ESG eksperti Murad Hüseynov, “AKKIK”də fabrik direktoru Əli Məmmədov, “AmCham”-ın icraçı direktoru Gülnarə Aslanbəyli, “ALMET Holding”in təsisçisi Şirin Camallı, “Smart Waste”in təsisçisi Süleyman Əliyev çıxış ediblər.
Tədbirdə həddindən artıq istehlakın əsas səbəblərini aradan qaldıran, eyni zamanda dayanıqlı inkişafın və iqlim dayanıqlılığının əsas vasitəsi kimi dövriyyəni təşviq edən real ideyalar və həlləri vurğulanıb. Həmçinin, bizneslərin, bələdiyyələrin və digər maraqlı tərəflərin tullantıların idarə edilməsi əməliyyatlarını təkmilləşdirmək üçün necə əməkdaşlıq edə biləcəyinə diqqət yetirməklə, dəyər zəncirinin bütün səviyyələrində tərəfdaşlıq və əməkdaşlığın əhəmiyyətindən bəhs olunub. Toplama, çeşidləmə və təkrar emalda iştirak edən müəssisələr resurs bərpasını maksimum dərəcədə artırmaq və tullantıları minimuma endirmək üçün birlikdə işlədikdə sistem daha səmərəli olur.
Proqram çərçivəsində həddən artıq istehlak və istehlakçılıq davranışının bir-biri ilə əlaqəli olan problemləri, habelə onların resursların tükənməsinə və ətraf mühitin pisləşməsinə necə töhfə verdiyi araşdırılıb. Tədbirdə bu problemləri müzakirə etməklə, tədbir həddindən artıq istehlak nümunələrinin azaldılmasının təkcə ətraf mühitə təsiri azaltmaqla yanaşı, dairəvi iqtisadiyyata keçidi necə sürətləndirmənin yolları müzakirə olunub.
Orxan Vahidoğlu, “İki sahil”
