Respublikaçı Mett Qets baş prokuror və ədliyyə naziri vəzifələrinə onun namizədliyini irəli sürmüş ABŞ-nin yeni prezidenti Donald Trampın təklifini qəbul etməyib.
Bakıvaxtı.az xarici mediaya istinadən xəbər verir ki, Tramp Qetsin bu qərarına hörmətlə yanaşdığını deyib.
“Mən Qetsin baş prokuror kimi təsdiqlənmək üçün son səylərini çox yüksək qiymətləndirirəm. O, çox yaxşı iş gördü, lakin eyni zamanda böyük hörmət bəslədiyi administrasiyaya mane olmaq istəmədi”, - deyə Tramp qeyd edib.
O həmçinin qeyd edib ki, Qetsi parlaq gələcək gözləyir və konqresmenin “əzəmətli nailiyyətlərini” səbirsizliklə gözləyir.
