Bu gün UEFA Millətlər Liqasında 1/4, 1/2 və eləcə də pley-off mərhələsinin püşkü atılacaq.
QOL.az xəbər verir ki, İsveçrənin Nyon şəhərində keçiriləcək mərasim Bakı vaxtı ilə saat 15:00-da başlayacaq.
Püşk nəticəsində B Liqasında qrupu ikinci sırada bitirən Türkiyə millisinin də A Liqasına yüksəlmək uğrunda pley-offdakı rəqibi bilinəcək. “Ay ulduzlular” Belçika, Macarıstan və ya Serbiyaya rəqib olacaq.
1/4 finala yüksələnlər: Almaniya, Danimarka, İspaniya, İtaliya, Hollandiya, Portuqaliya, Fransa, Xorvatiya
Pley-off-da oynayanlar A/B: Avstriya, Belçika, Macarıstan, Yunanıstan, Serbiya, Türkiyə, Ukrayna, Şotlandiya
Pley-off B/C: Ermənistan, Bolqarıstan, Gürcüstan, İrlandiya, İslandiya, Slovakiya, Sloveniya
Pley-off C/D: Cəbəllütariq, Latviya, Lüksemburq, Malta
Qeyd edək ki, 1/4 və pley-off oyunları gələn ilin martında keçiriləcək. İyunun 4-5-də 1/2, iyunun 8-də isə 3-cü yer və final uğrunda matçlar keçirilcək.
