23 il öncə yayımlanan “Klon” serialının ulduzu Ciovanna Antonelli süni intellekt vasitəsilə illər əvvəl serialda rol aldığı görüntüsünü indiki halı ilə qarşılaşdırıb.
Görüntüdə “Hade”nin Ciovannanı qucaqladığı anlar əks etdirilib.
Aktrisa paylaşımına bu sözləri yazıb:
“Bu gün, Dünya Televiziya Günündə “Klon” və Hade haqqında düşünməmək mümkün deyil. Hade rolu mənim aktrisa kimi karyeramda əhəmiyyətli bir dönüm nöqtəsi oldu. Bu rolu canlandırmaq, zəngin və cəsarətli bir obrazı kəşf etmək üçün əsl çağırış idi. Serial təkcə Braziliyaya öz işimi göstərmək imkanı vermədi, həm də mənə bu günə qədər sevgi ilə xatırlanan Hade üçün tamaşaçılardan böyük bir sevgi gətirdi.
Bu rol mənim üçün böyük bir mərhələ idi, aktyorluq sənəti haqqında çox şey öyrətdi və mənə böyük bir təcrübə qazandırdı. Bu hekayədə yaşadığım hər anın xüsusi bir yeri var, çünki bu, mənim karyeramda əvəzsiz bir uğur idi. “Klon” və Hade mənim üçün nəyi ifadə edirdisə, daim minnətdarlıq hissi ilə xatırlayacağam. Hər şey üçün sonsuz təşəkkürlər!”
Qeyd edək ki, “Klon” Braziliya istehsalı olan, 2001-ci ildə yayımlanan məşhur teleserialdır. Layihədə hekayə sevgi, mədəniyyətlərarası toqquşma, klonlaşdırma texnologiyası və narkotik asılılığı kimi mövzuları əhatə edir. (olay)
