Türkiyənin çay ixracından ilin ilk 10 ayında əldə edilən gəlir 19,8 milyon dolları keçib.
Şərqi Qaradəniz İxracatçılar Birliyi İdarə Heyətinin sədr müavini və Çay Sektoru Komitəsinin sədri Şaban Turqut yanvar-oktyabr aylarında Türkiyədən 118 ölkəyə, muxtar və azad zonalara çay ixrac edildiyini bildirib.
Sözügedən dövrdə 4 min 9 ton çay ixracından 19 milyon 811 min 467 dollar gəlir əldə edildiyini vurğulayan Ş.Turqut ən çox ixracatın 6 milyon 572 min 863 dollarla Belçikaya edildiyini bildirib.
Ş.Turqut qeyd edib ki, Belçikanı 3 milyon 165 min 784 dollarla Böyük Britaniya və 1 milyon 516 min 850 dollarla Şimali (Kıbrıs) Kipr Türk Cümhuriyyəti izləyir.
Çay ixracatında ölkələrin müxtəlifliyinin artdığına diqqət çəkən Ş.Turqut “Ölkəmizdən Dubay, Qvineya-Bisau, Mavritaniya, Ekvatorial Qvineya, Tunis, Kuba, Misir, Burundi, Mərkəzi Afrika Respublikası, Namibiya, Sao Tome və Prinsipiyə , Burkina Faso, Cibuti, keçən ilin eyni dövründən fərqli olaraq "Kolumbiya, Kamboca və Sloveniyaya da çay satıldı" deyib.
