Beyrutun mərkəzində güclü partlayışlar baş verib...
Poliqon xəbər verir ki, Reuters Agentliyinin mənbələrinin məlumatına görə, İsrail aviasiyası Livanın paytaxtına hücum edib.
Yerli vaxtla təxminən 4:00-da (Bakı vaxtı ilə də 4:00) Beyrutun mərkəzində bir neçə güclü partlayış səsi eşidilib. Mənbələrin Reuters-ə verdiyi məlumata görə, ümumilikdə ən azı dörd raket atılıb.
Hadisə yerinə təcili yardım maşınları yollanıb. Yerli telekanal “Al Jadeed” dağılmış binanın görüntülərini dərc edir və bir neçə başqa binaya da ciddi ziyan dəyib.
Bu, İsrailin bu həftə Beyrutun mərkəzinə ən azı dördüncü hava hücumudur.
Poliqon.info
