Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 14-cü turunun növbəti oyunları keçiriləcək.
Arena.az xəbər verir ki, ikinci oyun günündə iki qarşılaşma baş tutacaq.
Günün ilk oyunu “Səbail”lə son çempion “Qarabağ” arasında baş tutacaq. Ağdam təmsilçisi Bayılda keçiriləcək bu oyunda qalib gəlməklə “Araz-Naxçıvan”ın bir günlük liderliyinə son qoya bilər. Uzun müddətdir qələbəyə həsrət olan “Səbail” isə yeni baş məşqçisi Cavid Hüseynovun rəhbərliyi altında uğursuz gedişata son qoymağa çalışacaq.
Günün digər oyununda iki paytaxt təmsilçisi – “Neftçi” və “Zirə” komandaları üz-üzə gələcəklər. İki turdur məğlub olan Rəşad Sadıqovun komandası səfərdən xal və xallarla qayıtmaq arzusundadır. “Neftçi”də də işlər qaydasında getmir. Komanda üç oyundur 3 xala həsrətdir. Hazırda “Zirə” 20 xalla 4-cü, “Neftçi” isə 10 xalla 8-cidir.
Premyer Liqa
14-cü tur
22 noyabr
“Kəpəz” – “Araz-Naxçıvan” 0:2
Qollar: Felipe Santos, 25. Bernardo Dias, 85.
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov.
VAR: Fərid Hacıyev.
AVAR: Rəhman İmami.
Hakim-inspektor: Ömər Paşayev.
AFFA nümayəndəsi: Emin Cəfərov.
Tovuz şəhər stadionu, 17:00.
23 noyabr
“Səbail” – “Qarabağ”
Hakimlər: Nicat İsmayıllı, Zöhrab Abbasov, Cəmil Quliyev, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Anar Salmanov.
AFFA nümayəndəsi: Asif Əliyev.
Bakı. “Bayıl Arena”, 17:00.
“Neftçi” – “Zirə”
Hakimlər: Kamal Umudlu, Namiq Hüseynov, Vüsal Məmmədov, Əli Əliyev.
VAR: İnqilab Məmmədov.
AVAR: Rəvan Həmzəzadə.
Hakim-inspektor: Babək Quliyev.
AFFA nümayəndəsi: Zümrüd Ağayeva.
Bakı. “Neftçi Arena”, 19:00.
24 noyabr
“Turan Tovuz” – “Sabah”
Hakimlər: Rəşad Əhmədov, Kamran Bayramov, Rahil Ramazanov, Tural Qurbanov.
VAR: Cavid Cəlilov.
AVAR: Müslüm Əliyev.
Hakim-inspektor: Rəhim Həsənov.
AFFA nümayəndəsi: Rüfət Əmirov.
Tovuz şəhər stadionu, 17:00.
“Sumqayıt” – “Şamaxı”
Hakimlər: Rauf Cabbarov, Eyyub İbrahimov, Şirmamed Mamedov, Rəvan Həmzəzadə.
VAR: Rauf Allahverdiyev.
AVAR: Akif Əmirəli.
Hakim-inspektor: Munis Abdullayev.
AFFA nümayəndəsi: Nəriman Axundov.
Mehdi Hüseynzadə adına Sumqayıt şəhər stadionu, 19:00.
