Lionel Messinin formasını geyindiyi “İnter Mayami”nin yeni baş məşqçisi bəlli olub.
İdman.biz xəbər verir ki, ABŞ klubunu Xavyer Maskerano çalışdıracaq.
Argentina millisinin sabiq futbolçusunun təyinatı yaxın günlərdə rəsmiləşəcək. 40 yaşlı mütəxəssislə 3 illik müqavilə imzalanacaq. Maskerano klubdan ayrılan Xerardo Martinonu əvəzləyəcək.
Qeyd edək ki, argentinalı mütəxəssis klubda baş məşqçi təcrübəsinə malik deyil. 2022-ci ildən çalışdırıcı fəaliyyətinə başlayan Maskerano Argentinanın U-20 və U-23 yığmalarına rəhbərlik edib.
İdman.biz
