Beyrutda İsrail Hərbi Hava Qüvvələrinin (HHQ) hava hücumu nəticəsində ən azı dörd nəfər həlak olub, 23 nəfər yaralanıb.
“İki sahil” xəbər verir ki, bu barədə "Əl-Manar" telekanalı məlumat yayıb.
Yerli vaxtla saat 4:00 radələrində bir neçə güclü partlayış baş verib. “Reuters”in məlumatına görə, İsrail ən azı dörd raket atıb.
Yerli KİV bir yaşayış binasının tamamilə dağıldığını, qonşu binaların ciddi zərər gördüyünü bildirib. Bu, cari həftə ərzində İsrailin Beyrutun mərkəzinə endirdiyi ən azı dördüncü hava zərbəsidir.
