“Müharibə Ukrayna döyüşü dayandırdıqda deyil, Rusiya Prezidenti Vladimir Putin döyüşü dayandırdıqda bitəcək”.
Bizim.Media xəbər verir ki, bu fikirləri “Amerikanın səsi” radiosuna müsahibəsində Polşanın xarici işlər naziri Radoslav Sikorski deyib.
“Hər kəs sülh istəyir. Əgər Ukrayna təslim olsaydı, sülh olardı. Ona görə də Putin də sülh istəyir. Lakin söhbət sülhün hansı şəraitdə olacağından gedir. Ukrayna döyüşməyi dayandırdıqda müharibə bitməyəcək - bu halda Ukraynanın varlığı sona çatacaq. Putin döyüşü dayandırdıqda müharibə bitəcək. Bu o deməkdir ki, münaqişənin başa çatması üçün Rusiya lideri müharibənin yanlış seçim olduğu və qalib ola bilməyəcəyi qənaətinə gəlməlidir”, - deyə Sikorski vurğulayıb.
Polşalı nazir əlavə edib ki, ABŞ, Avropa və Ukraynanın Rusiyanın düşündüyündən də güclü kartları var”.
Bizim.Media
