Yaxın günlərdə ölkənin bəzi yerlərində havanın temperaturunun kəskin enəcəyi və güclü küləklərin əsəcəyi gözlənilir.
Busaat.az xarici mətbuata istinadla Çinin Milli Meteorologiya Mərkəzi açıqlama yaydığını xəbər verir.
Departamentin proqnozuna görə, şənbə günündən cümə axşamına kimi ölkənin əksər ərazilərində havanın temperaturu 6-10 dərəcə aşağı enəcək. Şimal-Qərb, Şimal və Şimal-Şərqi Çinin bəzi ərazilərində termometr 12-14 dərəcə aşağı düşəcək, bəzi yerlərdə azalma hətta 16 dərəcəni keçəcək.
Mərkəz həmçinin güclü küləklər üçün mavi xəbərdarlığı uzadıb.
Qeyd edək ki, Çin soyuq hava şəraiti üçün dörd səviyyəli xəbərdarlıq sistemini qəbul edib. Ən yüksək təhlükə səviyyəsi qırmızı, ondan sonra narıncı, sarı və mavi rənglərlə işarələnib.
Zeyd Bağırzadə
