"Barselona" "Lill"in 24 yaşlı hücumçusu Conatan Devidi baha başa gəldiyinə görə transfer etməyə bilər.
Publika.az xəbər verir ki, bu barədə "Sport.es" məlumat yayıb.
Onun potensial transferinin ümumi məbləği təxminən 80 milyon avroya başa gəlməsi "Barsa" rəhbərliyini qorxudub. Bu məbləğə oyunçunun 4 illik maaşı, imza bonusu və agent haqqı da daxildir. Bu məbləğ ümumilikdə məqbul hesab edilsə də, klubun hazırkı maliyyə vəziyyətinə görə məqsədəuyğun görünmür.
Bildirilir ki, hazırda "Barselona" Davidlə müqavilə bağlamaq üçün addım atmır.
