Ukrayna Silahlı Qüvvələrinin Böyük Britaniya istehsalı “Storm Shadow” raketi ilə Kursk vilayətinin Marino şəhərində yerləşən Rusiyaya məxsus hərbi idarəetmə məntəqəsinə endirdiyi zərbə böyük fəlakətlə nəticələnib.
“AzPolitika” “Teleqram” kanallarına istinadla xəbər verir ki, zərbə nəticəsində Rusiya Silahlı Qüvvələrinin 36-cı ordusunun komandanı general-polkovnik Valeri Solodçuk daxil olmaqla 18 yüksək rütbəli rusiyalı zabit, 500 nəfərə qədər isə Şimali Koreya əsgəri məhv edilib. Yaralananların isə çoxunun durumu ağırdı. Eyni ünvanda koreyalı əsgərlərə məxsus hərbi duşərgə fəaliyyət göstərirmiş.
Xatırladaq ki, Ukraynanın “Storm Shadow” raketləri ilə zərbəsinə cavab olaraq Rusiya Dneprdəki hərbi zavoda qitələrarası ballistik “Oreşnik” raketi ilə zərbə endirib. Rusiya Prezidenti Vladimir Putin isə xalqa müraciət edib və Qərbi raket zərbələrinin davamlı olacağı ilə hədələyib. Kreml sahibi Ukraynanın atəşi nəticəsində Kurskda ölən və yaralanan hərbçilərin olduğunu eitraf edib.
Rasim Əliyev
“AzPolitika.info”
