Kürdəmirdə yol-nəqliyyat hadisəsi baş verib, xəsarət alanlar var.
Avtosfer.az-ın APA-ya istinadən xəbərinə görə, Kürdəmir rayon sakinləri, 1953-cü il təvəllüdlü Sabir Nəsir oğlu Dadaşovun idarə etdiyi "Mercedes" markalı avtomobillə 1991-ci il təvəllüdlü Aqşin İlham oğlu Ələsgərovun idarə etdiyi "Tofaş" markalı avtomobil toqquşub.
Nəticədə hər iki avtomobilin sərnişinləri, 1957-ci il təvəllüdlü Hicran Əlövsət qızı Dadaşova və 1993-cü il təvəllüdlü Coşqun İlham oğlu Ələsgərov müxtəlif xəsarətlər alıblar.
Zərərçəkənlər rayon xəstəxanasına yerləşdiriliblər.
Faktla bağlı araşdırma aparılır.
