Dünyanın ən nüfuzlu avtomobil tədbirlərindən biri olan “Los-Anceles 2024 Avtoşou”su cümə günü ictimaiyyətə açılıb.
Avtosfer.az xarici mediaya istinadən xəbər verir ki, ABŞ-ın ən böyük avtomobil bazarının mərkəzində keçirilən şou “Los-Angeles” Konvensiya Mərkəzində keçirilir. Tədbirdə böyük avtomobil istehsalçılarının 1000-ə yaxın ən son modelləri nümayiş etdirilir və şou dekabrın 1-dək davam edəcək.
1907-ci ildə əsası qoyulan Los-Anceles avtomobil sərgisi perspektiv alıcılar, həmin sahənin rəhbərliyi, nüfuzlu şəxslər və avtomobil həvəskarları üçün mühüm hadisə sayılır. Ziyarətçilər burada həm qapalı, həm də açıq məkanda avtomobilləri sınaqdan keçirmək imkanı əldə edəcəklər.
Təşkilatçıların sözlərinə görə, avtomobil salonu şəhər iqtisadiyyatına yüz milyonlarla dollar gəlir gətirir və yerli əmək bazarını stimullaşdırır.
Namiq Musayev
