Dişi ağrıyan şəxs mağazada bir butulka araq içdi, pulunu vermədi - Dava düşdü

Naxçıvanda dişi ağradığı üçün bir butulka araq içən şəxs dava salıb. Hadisə Naxçıvan şəhərindəki Nizami küçəsində yerləşən ərzaq mağazasında baş verib.Belə ki, 1980-ci il təvəllüdlü N.Həsənov dişi ağrıdığı üçün bir butulka arağı və bir ədəd enerji içkisini mağazanın vitrinindən götürərək içib.Daha sonra o, boş butulkanı mağazanın kassirinə təqdim edərək, üzərində pul olmadığını və borcunu sonra verəcəyini deyib. Amma kassir onunla razılaşmayıb. N.Həsənov bu səbəbdən mübahisə etməyə, söyüş söyməyə və səs-küy salmağa başlayıb. Polis tərəfindən saxlanılan N.Həsənov etdiyi əmələ görə peşman olduğunu, mağazada içdiyi içkidən sərxoş olduğu üçün bilmədən belə bir hərəkət etdiyini deyib.Məhkəmənin qərarı ilə N.Həsənov 12 gün müddətinə inzibati qaydada həbs olunub. \\Qaynarinfo.Az