1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Baku TV-nin "Hərbi xronika" rubrikasının yeni buraxılışı yayımlanıb.
Budəfəki buraxılışda Hindistanın "Akaş" ortamənzilli hava hücumundan müdafiə sisteminin xüsusiyyətlərindən bəhs olunub.
Bildirilib ki, ötən həftənin əvvəlində Ermənistana göndərildiyi məlum olan sistem zinvor ordusu üçün bundan əvvəl alınan eynimənşəli "Svati" radarları və "Pinaka" reaktiv yaylım atəş sistemlərinin ardından "Paşinyan-Modi məhəbbəti"nin 720 milyon dollarlıq yeni "meyvə"si olub.
Yayılan məlumatlarda "Bharat Dynamics Limited" tərəfindən istehsal olunan "Akaş" sisteminin hələlik yalnız dörd batareyasının Ermənistana təhvil verildiyi bildirilib. Müqavilə üzrə Ermənistanın ümumilikdə Dehlidən 15 belə raket sistemi alacağı bəyan edilən xəbərlər arasındadır.
Rəsmi parametrlərinə görə, "Akaş" kompleksi "yer-hava" raketlər sinfinə aid olub, qırıcı təyyarələr, qanadlı və "hava-yer" tipli raketlər, pilotsuz uçuş aparatları və başqa növ hava vasitələrinə qarşı mübarizə üçün nəzərdə tutulub. Sistemin aktiv fəaliyyət məkanı 25 kilometr məsafəni əhatə edir.
Kompleksin bir batareyasına elektron skanerli passiv Racendra radarı, komanda məntəqəsi, təminat maşını və hər biri üç raketli dörd atış qurğusu daxildir. Mobil platformalarda yerləşdirilə bilən sistemin qrup halında və avtonom rejimdə bir neçə hədəfi vura bildiyi və elektron əks-tədbir imkanlarına malik olduğu bildirilir.
"Akaş" raketlərinin çəkisi 650, döyüş başlığı isə 50 kiloqramdır.
Bəs, görəsən, "Akaş"ın həqiqi sahə sınaq göstəriciləri necədir? Kompleksin real döyüş şərtlərindəki göstəriciləri yazılanlara uyğundurmu?
Ətraflı süjetdə:
